ОПШТИНСКИ НАТПРЕВАР ПО ПРВА ПОМОШ

Во просториите на СОУ Цар Самоил во Ресен се одржа Општински натпревар по прва помош, на кој учествуваа екипи од сите основни и средното училишта во градот.

Екипите, составени од по шест ученици, ги покажаа своите знаења и практични вештини каде што се соочија со различни симулирани повреди. Нивната работа беше внимателно следена и оценувана од страна на судии со големо искуство во областа на првата помош.

Според постигнатите резултати и начинот на работа, може да се заклучи дека учесниците оваа година демонстрираа високо ниво на подготвеност, сигурност и тимска работа, со што уште еднаш ја истакнаа важноста на првата помош.

Од 9-те пријавени екипи од категоријата младина од средното училиште, победник беше тимот бр.7 со освоени 110 поени.

Од 5-те екипи од основните училишта победник беше екипата на ОУ ,,Гоце Делчев” Гоце Делчев Ресен со освоени 114 поени,

второ место екипата на ООУ ,,Славејко Арсов” Slavejko Arsov Resen од с.Подмочани со 97 поени и

трето место ООУ ,,Димитар Влахов” од с.Љубојно со освоени 91 поен.

Покрај натпреварувачкиот дел, беа поставени и пунктови со забавни активности и дисеминација за Црвениот Крст.

Голема благодарност до сите ангажирани волонтери, СОУ Цар Самоил Ресен како и за пекара Boulevard Bakery кои беа спонзори на натпреварот и обезбедија оброк за 90 натпреварувачи.