Светлина во темнината – ПХВ проект

Со голема радост, Ви го претставивме проектот „Светлина во темнината“, дел од Програмата „Црвен крст во акција – Промоција на хумани вредности“. Преку креативност, емпатија и заедничка посветеност, нашиот тим покажа што значи хуманост на дело.

„Проектот ја носи пораката дека секое дете – без разлика на разликите или попреченоста – заслужува љубов, пријателство и шанса за среќен и исполнет живот.“

Голема благодарност до нашите хероини: Теодора, Александра, Евгенија, Џениса и Калина

Посебна благодарност до мини-менторките Михаела и Зорица, за нивната поддршка и насочување на секој чекор, до секретарот Наташа Веловска, која секогаш беше тука кога најмногу требаше, и до Емилија Арнаудовска, без чија посветеност овој настан немаше да се случи.

Дел од денешната магија се случуваше и во Дневниот центар, каде преку хуманитарна активност собиравме средства за негово обновување. Мирис на десерти, топли напитоци и музика во живо од Наум Бумбароски и Стефан Стефановски – сето тоа создаде чувство на вистинско заедништво.

„Секое купено парче колач или шолја кафе денес претставува чекор поблиску до поудобна и потопла средина за сите нас.“

Хуманоста не е само збор – тоа е дело, тоа сме сите ние, деца на Сонцето.